Donnerstag, 1. Mai 2014

A Umschlog fias Biachal

irgendwann im Januar hob i an Anfall g´habt. So an Kreativ-Anfall....
A bissal zvui Energie (und gor koan Bock, dass i de mit Hausarwad vadua...) 
hundat-dausnd ogsammlte Ideen, vuizvuizvuizvui aufgstauts : deswuitidochaschomoiausprowiern....
= Hirn vastopft...

Und drum hob i drauflos macha miassn. Wei mia des sowieso imma am ollaliabstn is. Drauflos. Ohne dass´d zerscht irgnd a Anleitung lesn muasst. (I les scho gern, aba Anleitunga bloß wenn´s sei muass...) S´Biachal, wo i so zwischn´eine imma meine Sachan nei moi, hod an Umschlog griagt, oan mit Reißverschluß: 




 




Do bin i jetz an Haufa übrige Energie losworn. (Ja, manchoi dua i a Sport treibn....) Oide Jeans und Cordhosn zamagschnien, in de Stoffreste-Boxn ummananda gwurlt, mit Stoff-Farb und Stempe g´fuhrwerkt, Bandl und Schnirl auffegnaht, a paar Stiech mit da Nodl, Knepf auffe, Reißverschluß eine, und ois ohne a oanzige grode saubare Noht. Ois wuid durchanand und ganz ohne an Plan. Mit´n Edding gmoid und gschriem. Hod supa vui Spass gmacht. Und mit´n Ergebnis bin i z´friedn. (Des is bei dene Sachan mit Anleitung meistns ned a so....) I woaß scho: Koa Mensch braucht so an Umschlog. Aba i hob´n braucht.



(De Stempe hob i neilich mit de Kinda gmacht.)


Dad aa ois Stiefe-Manschettn geh, oda wos moanz ia?
Aufgeht´s zum heidign RUMS
geht´s mit?

Kommentare:

  1. Die Hülle ist GENIAL!!! ...auch wenn ich den Text nur bedingt verstehe...:)
    LG und auch dir einen schönen 1. Mai
    Astrid

    AntwortenLöschen
    Antworten
    1. Oh, nein - das letzte Bild hat sich sooo langsam aufgebaut!!! Eine Manschette - noch coooler!!!

      Löschen
  2. Ich verstehe zwar nichts - aber das sieht klasse aus :-)

    LG Michele

    AntwortenLöschen

HIER DARFST DU UNGENIERT DEINEN SENF DAZU GEBEN:
Ich freu mich...